Մի անգամ ոստրեն ցանցն ընկավ ու ձկան հարուստ որսի հետ միասին հայտնվեց ձկնորսական խրճիթում:
-Այստեղ բոլորիս անխուսափելի կործանում է սպասվում,-տխուր մտածեց նա՝ տեսնելով, թե հատակին դատարկված կույտի մեջ իր դժբախտ եղբայրակիցներն առանց ջրի ինչպես են խեղդվում և ջղաձիգ թպրտում մահվան տանջանքների մեջ:
Հանկարծ որտեղից որտեղ հայտնվեց մուկը:
-Լսի՛ր , բարի՛ մկնիկ,-աղերսեց ոստրեն: Բարի գործ արա, ինձ տար դեպի ծովը:
Մուկը հասկացող հայացքով զննեց նրան. Ոստրեն բացառիկ խոշոր ու գեղեցիկ էր, համ էլ դրա միսը պետք է որ հյութալի ու համեղ լիներ:
-Լավ,-պատրաստակամորեն ասաց մուկը՝ որոշելով ձեռք գցել ձրի ավարը, որն, ինչպես ասում են, իր ոտքով է եկել: -Բայց դու նախապես պետք է բացես քո խեցու փեղկերը, որպեսզի ինձ ավելի հարմար լինի քեզ տանել դեպի ծով: Հակառակ դեպքում ես ոչ մի կերպ չեմ կարողանա գործը գլուխ բերել:
Խաբեբան այնքան համոզիչ ու ոգեշնչված էր խոսում, որ նրա համաձայնությունից ուրախացած ոստրեն չնկատեց խարդավանքն ու վստահելով բացեց փեղկերը: Մուկը սուրուլիկ դնչով անմիջապես խցկվեց խեցու ներսը, որպեսզի ատամներն ավելի ամուր խրի խեցու մեջ: Բայց շտապելու պատճառով մոռացավ զգուշության մասին, և ոստրեն, զգալով, որ ինչ-որ բան այն չէ, հասցրեց շրխկացնելով փակել իր փեղկերը՝ թակարդի նման ամուր սեղմելով կրծողի գլուխը:
Մուկը ցավից բարձրաձայն ծվծվաց, իսկ մոտակայքում գտնվող կատուն լսեց ծվծվոցը, մի ցատկով վրա պրծավ խաբեբային ու հափռեց:
Ինչպես ասում են ՝ խորամանկիր, բայց պոչդ լա՛վ պահիր:
Հեղինակ՝ Լեոնարդո դա Վինչի
1. Առանձնացրո՛ւ և դեմ դիմաց գրի՛ր հականիշ դարձվածքները:
Աչքը կուշտ, քթի տակ, խելքից հեռու, Աստծու գառ, աչքի փուշ, յոթ սարից այն կողմ, աչքը ծակ, աչքի լույս, խելքին մոտ, Աստծու կրակ:
Աչքը կուշտ-աչքը ծակ
քթի տակ-յոթ սարից այն կողմ
խելքից հեռու-խելքին մոտ
Աստծու գառ-Աստծու կրակ
աչքի փուշ-աչքի լույս
2. Բացատրի՛ր դարձվածքները և գրի՛ր ո՞ր ստեղծագործություններից են առաջացել:
Անբան Հուռի-Նշանակում է ծույլ, եկել է Անբան հուռի հեքիաթից
քաջ Նազար-Նշանկում է վախկոտ, եկել է Քաջ նազար հեքիաթից
ձախորդ Փանոս-Նշանակում է անբախտ, եկել է Ձախորդ փանոս հեքիաթից
շուն ու կատու դառնալ-Նշանակում է թշնամանալ, եկել է Շունն ու կատուն բանաստեղծությունից
Արեն Համբարձումյան 